Бублик үшінші айналымға өте алмады
Қазақстанның бірінші, әлемнің 33-ракеткасы Александр Бублик Барселона ATP 500 турнирінің үшінші айналымына шыға алмады.
Алматы, NEGE. Осы жарыстың 16-ракеткасы болып тіркелген қазақстандық теннисші доданы екінші айналымнан бастады.
Дүниежүзілік рейтингте 73-орында тұрған финляндиялық Эмил Руусувуори осал теннисші еместігін бірден байқатты.
Эмил бір сағатқа жуық уақытқа созылған матчта 6:3, 6:1 есебімен жеңіске жетті. Ол 7 брейк-пойнттың төртеуін пайдаланса, Бубликте ондай мүмкіндік болған жоқ. Қарсыластар екі-екіден эйс жасады.
Фин теннисшісі жүлде қоры 2,6 млн еуродан асатын доданың үшінші айналымында әлемнің 7-ракеткасы, норвегиялық Каспер Руудпен шеберлік байқасады.