«Болашақ» стипендиясына және «Ғылыми тағылымдамалар» бағдарламасына құжат қабылдау басталды
Бұл туралы Ғылым және жоғары білім министрлігі хабарлады.
Алматы, NEGE. Өтініш беру мерзімі:
• «Болашақ» – 3 наурыздан 17 қазанға дейін (egov.kz порталы арқылы)
• «Ғылыми тағылымдамалар» – 3 наурыздан 31 қазанға дейін (ХБО кеңсесінде, Астана)
Конкурстық іріктеу 2025 жылғы 1 сәуір мен 31 желтоқсан аралығында өтеді.
2025 жылы «Болашақ» бағдарламасы бойынша оқу үшін 645 стипендия бөлінді. Оның ішінде магистратура бағдарламасы бойынша – 411 стипендия, докторантура/резидентура бойынша – 41 стипендия, тағылымдамалар бойынша – 193 стипендия.
Ғылыми тағылымдамалар бойынша 250 стипендия бөлінді.
Шетелде кадрлар даярлау кезінде инженерлік-техникалық және медициналық мамандықтарға басымдық беріледі.
Мемлекет академиялық оқуға, тағылымдамадан өтуге, ұшуға, медициналық сақтандыруға, визалық алымдарға, оқулық материалдарын сатып алуға жұмсалатын шығындарды жабады, сондай-ақ ай сайын стипендия төлейді.
Толық ақпарат: bolashak.gov.kz
Сұрақтар бойынша: 8 (7172) 76-90-76 (ішкі 110, 113)