БҚО-да жеке тұрғын үйден өрт шығып, 5 бала қаза тапты
Батыс Қазақстан облысы Сырым ауданы орталығы Жымпиты ауылында жеке тұрғын үйден өрт шығып, 5 бала қаза тапты.
Алматы, NEGE. Өрт сөндірушілер хабар түскеннен соң 5 минуттан кейін жеткен. 30 шаршы метр аумақта жеке заттар мен жиһаз отқа ранған.
Құтқарушылар бес баланы ес-түссіз күйінде ауруханаға жеткізгенімен, оларды аман алып қала алмады. Алдын ала мәлімет бойынша, балалар көмірқышқыл газына уланған.
Өрт толықтай сөндірілді.
Көз жұмған балалардың отбасы жалдамалы үйде тұрған. Әкесі — жергілікті Мәдениет үйінде шаруашылық меңгерушісі болып жұмыс істейді, ал анасы — дүкенде сатушы.
Қайғылы жағдай болған сәтте екеуі де жұмыста болған. Үйде тек балалар қалған.
Қазір оқиғаға байланысты тергеу амалдары жүргізіліп жатыр.