Биткоин бағасы 106 мың долларға жетті
Биткоин құны бірнеше айдың ішінде тағы да өзінің тарихи рекордын жаңартып, 16 желтоқсанға қараған түні оның бағасы шамамен 106,6 мың долларға жетіп, кейін сәл төмендеді.
Алматы, NEGE. Binance криптовалюта биржасының мәліметіне сәйкес, Астана уақытымен 05:40-та биткоин құны 106,6 мың долларға жуықтады. Алайда сағат 06:22-де көрсеткіш 105,4 мыңға дейін төмендеді. Дегенмен, көп ұзамай баға қайтадан көтерілді.
Биткоин бағамы 2024 жылдың 5 қарашасында АҚШ президентінің сайлауы өтетін күні көтеріле бастады. Ол кезде криптовалютаның бағасы 68 мың доллар еді.