Бишімбаевтың ісі бойынша алдын ала сот отырысы басталатын күн белгіленді
Ұлттық экономиканың бұрынғы министрі Қуандық Бишімбаевтың ісі бойынша алдын ала тыңдалым өтетін күн белгілі болды.
Алматы, NEGE. Сот кеңсесінің сайтындағы ақпаратқа сәйкес, алдын ала сот отырысы 11 наурызда басталады.
Бұған дейін істі Астана қаласының қылмыстық істер жөніндегі мамандандырылған ауданаралық сотының судьясы Айжан Құлбаеваның қарайтыны айтылған.
Естеріңізге сала кетейік, Қазақстанның бұрынғы Ұлттық экономика министрі Қуандық Бишімбаевқа жұбайы Салтанат Нүкенованы өлтірді деген күдікпен қозғалған қылмыстық іс сотқа 2024 жылдың 26 ақпанында түскен болатын.