Бішкекте қырғыздар митингке шықты
Бішкектегі Ақ үй ғимаратының жанында митинг болып жатыр.
Алматы, NEGE. Қырғызстандық басылымдардың хабарлауынша, жиналғандар қырғыз-тәжік шекарасындағы қазіргі жағдайға алаңдаулы.
Наразылық білдірушілер алдына Жоғарғы Кеңес депутаты Сұлтанбай Айжігітов шықан.
Олар жиналғандарға қазіргі қақтығыс бойынша Парламент отырысы өтіп жатқанын хабарлады. Шеруге шыққандардың талап-арызы ескерілген. Депутаттар бейбіт тұрғындарды эвакуациялау жұмыстары жүріп жатқанын, гуманитарлық көмектер жиналғанын жеткізді.
Митингке шыққандардың саны саны 100-ге жуық. Олар биліктен шекарадағы жанжалды тез арада шешуді талап етіп отыр.
14 қыркүйекте қырғыз-тәжік шекарасында қарулы қақтығыс басталды. Бұлақ-Башы, Қақ-Сай, Пасқы-Арық аудандарында атыс шықты. Кейін шекара қызметі бес жерде атыс болғанын хабарлады.
