«Big Drama Жапония». Головкин рингке қашан шығатынын ресми хабарлады
Орта салмақтағы IBF және IBO нұсқалары бойынша әлем чемпионы қазақстандық Геннадий Головкин рингке қашан шығатынын ресми мәлімдеді. Головкин осы дивизиондағы WBA Super белбеуінің иегері Риота Муратамен жекпе-жек өткізетінін айтты.
Алматы, NEGE. Сонымен, көптен талқыланып келе жатқап кездесу ақыры өтетін болды. Мұны Генаның өзі әлеуметтік желідегі парақшасында жазды.
«Big Drama Жапония. 29 желтоқсанда кездескенше», – деп жазды GGG Instagram-да. Естеріңізге салайық, екі боксшы да көптен бері рингке шыққан жоқ.