Бейжіңнің ірі компаниясы Алматыда метро құрылысына қатысуға дайын
Бейжіңнің ірі компаниясы – CRCC Алматыда метро құрылысына қатысуға дайын екенін жеткізді.
Алматы, NEGE. Алматы әкімі Ерболат Досаев Қытай Халық Республикасына (ҚХР) жұмыс сапары аясында China Railway Construction Corporation (CRCC) Басқарма Төрағасы Дай Хэгэнмен кездесу өткізді. Жиын барысында тараптар көлік инфрақұрылымы және ауқымды құрылыс жобаларын іске асыру саласындағы ынтымақтастықты талқылады.
Кездесу қорытындысы бойынша тараптар диалогты жалғастыру және одан әрі жемісті ынтымақтастық туралы келісті.