Белгілі саясаткер Сейдахмет Құттықадам өмірден озды
Белгілі саясаттанушы, публицист, қоғам қайраткері Сейдахмет Құттықадам 78 жасқа қараған шағында дүниеден озды.
Алматы, NEGE. Сейдахмет Құттықадам 1946 жылы 9 мамырда Түркістан қаласында дүниеге келген. Әл-Фараби атындағы Қазақ мемлекеттік ұлттық университетін бітіріп, өзінің дипломатиялық қызметін 1998 жылы ҚР СІМ Екіжақты ынтымақтастық департаменті Еуропа және Америка басқармасының референті болып бастаған.
Сейдахмет Құттықадам 1946 жылы 9 мамырда Түркістан қаласында дүниеге келген. Бірқатар республикалық газет-журналдың бас редакторы қызметін атқарған. Жетекші республикалық газет-журналдарда 500-ден астам жарияланымы бар. Техника ғылымының кандидаты, доцент, Қазақстанның құрметті журналисі, Қазақстанның еңбек сіңірген қайраткері. «Вызов времени», «Миражи и реалии», «Елге қызмет ету» (2009), «Қазақ драмасы» (2010) кітаптарының авторы.
- 1969-1975 жылдары – Қазақстан Ғылым академиясының Мұнай химиясы және табиғи тұздар институтының инженері, кіші ғылыми қызметкері, зертхана меңгерушісі;
- 1975-1976 жылдары – Қазақ ғылыми-зерттеу және мемлекеттік фосфор өнеркәсібін жобалау институтының аға ғылыми қызметкері;
- 1976-1978 жылдары – Қазақ химия-технология институтының кіші, аға ғылыми қызметкері, оқытушысы;
- 1978-1986 жылдары – Жамбыл гидромелиоративтік-құрылыс институтының сырттай оқу факультетінің аға оқытушысы, доценті, деканы;
- 1986-1991 жылдары – Арқалық педагогикалық институтының химия және биология кафедрасының меңгерушісі;
- 1991 жылы – «Арай-Заря» журналы бас редакторының орынбасары;
- 1991-1993 жылдары – экспорттық-талдау қызметі бас басқармасының бастығы, Қазақстан Республикасының Баспа және бұқаралық ақпарат министрінің орынбасары;
- 1993-1994 жылдары – «Дәyip-Время» газетінің бас редакторы;
- 1994-1995 жылдары – «Арай-Заря» журналының бас редакторы;
- 1995-1999 жылдары – «Аргументы и факты Казахстан» газетінің шолушысы;
- 1999 жылдың қаңтарынан «Өрлеу» қоғамдық қозғалысының төрағасы;
- 2002-2003 жылдары – «Эпоха» газетінің бас редакторы;
- 2004-2005 жылдары «Начнем с понедельника» газетінің шолушысы қызметтерін атқарған.
- 2006 жылдың қаңтар айынан бастап «Мысль» журналының бас редакторы болды.