Бекболат Тілеуханның күйеу баласы жаңа қызметке тағайындалды
2024 жылдың қараша айында Өскемен қаласының әкімі қызметінен кеткен Жақсылық Омар жаңа қызметке тағайындалды.
Алматы, NEGE. Ол Шығыс Қазақстан облысы әкімінің бірінші орынбасары лауазымына келді.
Жақсылық Омар Өскемен қаласын алты жыл басқарды.
«Жақсылық Мұқашұлының мемлекеттік қызметте үлкен тәжірибесі бар. Ол 6 жыл бойы облыс орталығының әкімі болды. Оған өңірдің барлық мәселесі мен тұрғынының мұң-мұқтажы жақсы таныс. Оның жаңа әрі жауапты қызметке білімін, күш-жігерін барынша жұмсайтынына сенімдімін», – деді облыс әкімі Нұрымбет Сақтағанов.
Жақсылық Омардың жұбайы – бұрынғы Мәжіліс депутаты Бекболат Тілеуханның туысы.