Бейнежазбаға Т34 млн жұмсамақ
Нұр-Сұлтан билігі мемлекеттің әлеуметтік шаралары туралы видеоға Т34 млн жұмсамақ
.
Алматы, NEGE. «Тапсырыс беруші – "Нұр-Сұлтан қаласының Ішкі саясат басқармасы" мемлекеттік мекемесі; атауы – ақпараттық материалдарды дайындау және басып шығару бойынша/бұқаралық ақпарат құралдарында орналастыру бойынша қызмет көрсетулер; қосымша сипаттамасы – мемлекет қабылдаған әлеуметтік шаралар туралы республикалық телеарнада тақырыптық бейнематериалдар жасау; жоспарлы сомасы – Т33 928 571,43», - делінген мемлекеттік сатып алу порталында 7 шілдеде жарияланған лот сипаттамасында.
Конкрусқа қатысуға өтінім қабылдау 14 шілдеде басталған, ол 29 шілде 17.07-ге дейін жалғасады.
Конкурстың техникалық ерекшелігінде мемлекеттік тапсырыстың жалпы хронометражы-76 минут , сюжеттердің шығу уақыты сағат 07:00-ден 00:00-ге дейін деп көрсетілген. Қызмет көрсету мерзімі – 2020 жылдың 31 желтоқсанына дейін.