Байден жаңа жұмыс іздеп жүргенін мәлімдеді
Президенттік мерзімінің аяқталуына 22 апта қалған Джо Байден блогерлермен кездесіп, жұмыс іздеп жүргенін айтып қалды.
Алматы, NEGE. Онлайн-контент жасаушылармен кездесу кезінде Байден жаңа жұмыс іздеп жатқанын айтып қалжыңдады. Байденнің президенттіктен кетуіне 22 аптадан аз ғана уақыт қалды.
«Сіздер қарым-қатынастың барлық динамикасын өзгертетіндей серпіліс жасап жатырсыздар, сондықтан мен сіздерді Ақ үйге шақырдым. Тағы бір себеп мен жұмыс іздеп жүрмін», - деді ол көпшілікке. Президенттің қағытпасына залдағылар ду күлді.
Сондай-ақ кездесу барысында алда өзін цифрлық контент жасаушы ретінде көретінін айтты.
«Мені зейнеткерлікке шыққанда қайда барады деп ойлайсыздар? Таныстарым өте көп, мені қалжыңдап жатыр деп ойлайсыздар ма», - деді АҚШ президенті.
АҚШ президенті шілде айының соңында сайлауға қатыспайтынын мәлімдеді. Демократтар кейіннен өздерінің кандидаты ретінде қазіргі вице-президент Камала Харристі ұсынды.
АҚШ-та президент сайлауы 5 қарашада өтеді.