«Батырлар» фильмі көрерменге ұсынылады
12 наурыздан бастап еліміздің барлық кинотеатрында «Батырлар» фильмі көрермендерге жол тартады
Алматы, NEGE. Жаңа туынды Жоңғар шапқыншылығы кезінде қазақ жерін жаудан қорғап, халықтың ауызбіршілігін сақтау үшін күрескен тарихи тұлғалар – Қарасай, Ағынтай және Мерген батырлар жайында. Су жаңа «Батырлар» фильмі режиссер Асқар Ұзабаевтың тарихи тақырыптағы алғашқы жұмысы. Қазақ пен Жоңғар шапқыншылығы кезіндегі оқиғалар суреттелетін туындыда негізгі кейіпкер - Қарасай батыр. Жаугершілік заманында батырды дүниеге әкелген ананың рөлін әлемге танымал актриса Самал Еслямова сомдайды.