10 августа 2023 г. 15:49
Бас прокуратура гүл дүкеніне шабуыл жасаған «прокурордың ұлына» қатысты пікір білдірді
Әлеуметтік желілерде прокурордың ұлы достарымен бірге Шымкент қаласындағы гүл дүкеніне шабуыл жасағаны туралы ақпарат тарады, деп хабарлады Бас прокуратураның баспасөз қызметі.
Алматы, NEGE. 8 тамызға қараған түні Шымкент қаласында Рысқұлов көшесі, 195 мекен-жайы бойынша бір топ адам мас халде Romantic гүл дүкеніне кіріп, дүкен қызметкерлерін қорқытқан.
Алайда Бас прокуратура ол адамның прокуратура органдарына еш қатысы жоқ екенін мәлімдеді.
"Бұл ақпарат шындыққа сәйкес келмейді. 2023 жылғы 9 тамызда Шымкент қаласының прокуратурасы бұл тұлғаның прокуратура органдарына қандай да бір қатысы жоқ екенін, прокуратура қызметкерлерінің туыстық байланыста емес екендігін ресми түрде хабарлайды", - делінген мәлімдемеде.
