Бас прокуратура Талғат Татубаевтың ұсталғанын растады
Бұған дейін Сыбайлас жемқорлыққа қарсы іс-қимыл ұлттық бюросының бұрынғы басшысы Талғат Татубаевтың ұсталғаны туралы ақпарат тараған болатын.
Алматы, NEGE. Бас прокуратура ақпаратты растап, сотқа дейінгі тергеп-тексеру және қосымша дәлелдемелерді жинауға бағытталған тергеу әрекеттері жүргізіліп жатқанын мәлімдеді.
«Қазақстан Республикасы Бас прокуратурасы 2025 жылғы 3 шілдеде Қылмыстық кодекстің 146-бабы 2-бөлігінің 1), 2) тармақтарында көзделген қылмысты (азаптау) жасады деген күдікпен Сыбайлас жемқорлыққа қарсы іс-қимыл ұлттық бюросының бұрынғы басшысы Т.М. Татубаевты ұстағанын хабарлайды», – делінген хабарламада.
Қылмыстық-процестік кодекстің 201-бабына сәйкес сотқа дейінгі тергеп-тексерудің өзге деректері жария етілуге жатпайды.