Балалар гепатиттің белгісіз түріне шалдығып жатыр
Дүниежүзілік денсаулық сақтау ұйымы әлемнің 12 елінде балалардан гепатиттің беймәлім түрі анықталып жатқанын мәлімдеді.
Алматы, NEGE. ДДСҰ мәлімдемесінде көрсетілгендей, 21 сәуірдегі жағдай бойынша белгісіз ауыр гепатит ДДҰ Еуропалық аймағының 11 елінде, Солтүстік және Оңтүстік Америка аймағындағы тағы бір мемлекеттен анықталды.
Қазіргі уақытта бұл аурудан өлім-жітімнің бір фактісі тіркелгені туралы ақпарат бар. Ұлыбританияда - 114, Испанияда – 13, Израильде – 12, АҚШ-та – 9, Данияда 6 жағдай тіркелген. Ирландия, Италия, Нидерланды, Норвегия, Франция, Румыния және Бельгияда бестен төмен жағдай тіркелген.
Сарапшылардың айтуынша, науқастардың жасы бір айдан 16 жасқа дейінгілер. Науқастардың шамамен 10%-ы бауыр трансплантациясын қажет етеді.
Сонымен қатар ұйым "А, В, С, Е және D типті гепатит вирустары осы жағдайлардың ешқайсысынан анықталмаған" деп мәлімдеді.
Кем дегенде 74 жағдайда аденовирус анықталды, 18 адамда молекулалық тестілеу кезінде F тобының аденовирусы анықталды (41 типі).