Бақытбек Сыдықов Қорғаныс министрінің орынбасары лауазымынан босатылды
Бұл туралы Ақорданың баспасөз қызметі хабарлады.
Астана, NEGE. «Мемлекет басшысының өкімімен Бақытбек Сапарбекұлы Сыдықов Қазақстан Республикасы Қорғаныс министрінің орынбасары лауазымынан босатылды», – делінген хабарламада.
Бақытбек Сыдықов 1969 жылы 12 қазанда Шығыс Қазақстан облысы Өскемен қаласында дүниеге келген.
– 1991 жылы Владикавказ жоғары жалпы әскери командалық училищесін;
– 1999 жылы Бронды әскерлердің әскери академиясын;
– 2013 жылы Ұлттық қорғаныс университетінің әскери және мемлекеттік басқару факультетін тәмамдаған.
Әскери шені: генерал-майор (2023).
Қазақ, орыс тілдерін жетік меңгерген.
ІІ дәрежелі «Айбын» орденімен наградталған.
Мансап
1987 – 1990 жж. – Орджоникидзевск жоғары жалпы әскери командалық училищесінің курсанты.
1990 - 1991 жж. – Владикавказ жоғары жалпы әскери командалық училищесінің курсанты.
1991 - 1993 жж. – 11507 ә/б мотоатқыштар взводының командирі.
1993 - 1993 жж. – 30217 ә/б күзет және қызмет көрсету батальоны күзет взводының командирі.
1993 - 1996 жж. – 32355 ә/б қару-жарақ басқармасы бронды танк қызметі бастығының аға көмекшісі.
1996 - 1996 жж. – 01287 ә/б техникалық бөлімнің броньды танк қызметінің бастығы.
1996 - 1999 жж. – Бронды әскерлер әскери академиясының тыңдаушысы
1999 - 2001 жж. – бөлім командирінің қару-жарақ жөніндегі орынбасары – 07792 ә/б техникалық бөлімінің бастығы.
2001 - 2003 жылдары – ҚР ҚК БШ Қару-жарақ департаментінің аға офицері.
2003 - 2004 жылдары – ҚР ҚК Қару-жарақ бас басқармасының бөлім бастығы.
2004 - 2006 жж. – Ұжымдық қауіпсіздік туралы шарт ұйымының біріккен штабының аға офицері.
2006 - 2006 жылдары – ҚР ҚК Қару-жарақ пен әскери техниканы пайдалану бас басқармасының бөлім бастығы.
2006 - 2007 жылдары – Бас басқарма бастығының орынбасары – ҚР ҚК Қару-жарақ пен әскери техниканы пайдалану бас басқармасының штаб бастығы.
2007 - 2009 жылдары – «Шығыс» өңірлік қолбасшылығы әскерлері қолбасшысының басқармасы өңірлік қолбасшылық әскерлері қолбасшысының (қару-жарақ жөніндегі) орынбасары.
2009 - 2011 жж. – ҚР ҚК Қару-жарақ бас басқармасының бастығы
2011 - 2013 жж. – Ұлттық қорғаныс университеті ӘМБ факультетінің тыңдаушысы.
2013 - 2016 жылдары – «Оңтүстік» өңірлік қолбасшылығы әскерлері қолбасшысының басқармасы өңірлік қолбасшылық әскерлері қолбасшысының (қару-жарақ жөніндегі) орынбасары.
2016 - 2017 жж. – ҚР ҚК Әскери-теңіз күштері бас қолбасшысының басқармасы Әскери-теңіз күштері бас қолбасшысының (материалдық-техникалық қамтамасыз ету жөніндегі) орынбасары.
2017 - 2019 жылдары – ҚР ҚМ Әскери-техникалық саясат департаментінің бастығы.
2019 - 2021 жылдары – «Шығыс» ӨңҚ әскерлері қолбасшысының басқармасы қолбасшысының орынбасары.
2021 - 2022 жылдары – ҚР ҚК Бас штабының бастығы – Тыл және қару-жарақ бастығының бірінші орынбасары.
2022 - 2023 жылдары – ҚР ҚК Қару-жарақ бастығы.
2023 жылғы маусымнан бастап Қазақстан Республикасы Қорғаныс министрінің қару-жарақ және әскери техника жөніндегі орынбасары қызметіне тағайындалған.