Байқоңырда 7 жасар қызды зорлаған педофил ұсталды
Байқоңыр қаласында 28 шілде күні жеті жасар қыз педофилден зорлық көрген.
Алматы, NEGE. Бұл оқиғаға байланысты Байқоңыр қаласы әкімшілігінің басшысы Константин Бусыгин қала тұрғындарына үндеу жасады.
«Біздің қаламызда сұмдық жағдай орын алды. 7 жасар қызды зорлап кеткен. Қылмыстық іс қозғалды. Зорлаған азамат ұсталып, уақытша ұстау изоляторына қамалды. Құқық қорғау органдарының қызметкерлері одан жауап алып, басқа да тергеу әрекеттерін жүргізеді. Біздің тәртіп сақшылары білікті тергеу жүргізеді және қылмыскер заңда белгіленген қатаң жазамен жазаланады», - делінген қалалық әкімшіліктің ресми сайтында жарияланған хабарламада.