БАӘ ғарыш аппараты Марсқа жетті
2021 жылғы 9 ақпанда
Біріккен Араб Әмірліктері ұшырған ғарыш аппараты Марс орбитасына шықты. Жеті ай бұрын Жапониядағы Танэгасима ғарыш айлағынан «қызыл ғаламшарға» бағыт алған «Үміт» (арабша «әл-Амаль», ағыл. Hope) аппараты 500 млн. шақырым жол жүрген.
Алматы. NEGE. Бұл туралы Қазақстанның Біріккен Араб Әмірліктеріндегі елшісі Мадияр Меңілбеков хабарлады. Елшінің айтуынша, салмағы 1,3 тонна болатын зонд алты жылда құрастырылған. Жобаның құны – 200 млн. доллар. «Үміт» зонды Марстың атмосферасы мен климатын зерттеуге арналған.
Әмірліктердің билеушілері аталған оқиғаны бүкіл араб әлемінде бұрын-соңды болмаған үлкен ғылыми жетістік деп бағалап отыр.