Бабы келіскен Бобиков
Әлем барысы» әлем чемпионаты өз мәресіне жетті. Ақтық сында Ресей палуаны Роман Бобиков отандасымыз Айбек Нұғымаровтан басым түсті.
Алматы, NEGE. Өткен жылғы «Әлем барысы» чемпионатында Ресей палуаны Роман Бобиков Грузия палуаны Гурам Тушишвили боз кілемге шықпағандықтан үшінші орын алған еді. Сол жылдың 23-24 маусымында Батумиде өткен қазақ күресінен бірінші Еуропа чемпионатында ол 100 келіден жоғары салмақ санатына бас жүлде алған болатын.
Әлеуметтік желіде жұрт ресейлік палуанның өнеріне тәнті болып, қазақ күресінің аясы кеңейгенге разылық білдірсе, енді бірі талай мәрте бас жүлдені қанжығаға байлаған, бетке ұстар Айбек Нұғымаровтың жеңіліп қалғанына реніш білдіруде. Осы жылғы "Әлем барысы" чемпионаты ерекше қызықты сәттерген, тамаша тартысқа толы болғаны хақ.