Ажар Ғиният немересінің қызылшаға қарсы екпе алғаннан кейінгі жағдайын айтты
Денсаулық сақтау министрі Ажар Ғиният Орталық коммуникациялар қызметінде қызылшаға қарсы вакциналарға халықтың сенімін арттыру үшін қандай жұмыс істеліп жатқанын айтты, деп хабарлайды Zakon.kz.
Алматы, NEGE. Ажар Ғиният жалпы халықтың вакцинаға сенімі бар екенін жеткізді.
"10 айда жоспарлы екпе алуға келмегендердің саны пайызға шаққанда аз. Бұл кісілер кейбір сарапшылардың, антиваксерлердің пікірін тыңдайтындар. Діни себептермен бас тартатындар да бар. Ал күмәні болса да, жеткілікті түрде түсіндірмелерді естіген соң, сенімді болып, екпе алатындар да жетеді. Негізінен кішкентай балалар зардап шегетінін ескеріп, қазір біз ауқымды ақпараттық жұмыс жүргізіп жатырмыз. Бұл жұмысты өзім бастадым, адамдар вакцина қауіпсіз, тиімді екеніне сенсін деп 5 жасар немеремді емханаға апардым", - деді министр.
Ол кенже немересі 5 жаста екенін және оның екпе алғанын айтты.
"Төртінші күні дене қызуы көтеріліп, сол себепті құса берді. Дәрігерлер мұны вакцинаға реакция деп бағалады. Бір күннен кейін бұл белгілер жоғалып кетті. Сондықтан мен сіздерге қалай бар, солай айтып отырмын. Осындай реакциялар болуы мүмкін", - деп қорытындылады Денсаулық сақтау министрлігі.
