Әйелін 10 жыл бойы сабап келді деп айыпталған дипломат Сәкен Мамаш 6 жылға сотталды
Қазақстанның Біріккен Араб Әмірліктеріндегі елшілігінің экс-кеңесшісі Сәкен Мамаш 6 жылға бас бостандығынан айырылды.
Алматы, NEGE. Бұрынғы әйелі Карина Мамаш оны ұрып-соғу, қорлау және күш қолдану әрекеттері үшін айыптаған болатын.
Сот процесі жәбірленуші тараптың өтініші бойынша жабық форматта өтті. Журналистерге үкім жарияланған соңғы отырысқа қатысуға рұқсат берілді. Карина Мамаш бұл шешімді балаларының отбасылық өмірге қатысты интимдік деректерден қорғалуын қамтамасыз ету мақсатында қабылдағанын айтты.
Сәкен Мамаш ҚР Қылмыстық кодексінің 110-бабы 2-бөлігінің 1-тармағы (азаптау) бойынша кінәлі деп танылып, 6 жылға сотталды.
Сондай-ақ ол дипломатиялық дәрежесінен айырылатын болды.