Аягөз ауданынан сақ қолбасшысының қорымы табылды
Абай облысы Аягөз ауданында сақ қолбасшысының қорымы табылды.
Алматы, NEGE. Алматыдағы әл-Фараби атындағы қазақ ұлттық университетінің археологтары Аягөз ауданы Бозай ауылы маңында қазба жұмыстарын жүргізіп жатып сақ қолбасшысының қорымын тапты.
Қолбасшы осыдан 700-2600 жыл бұрын өмір сүрген болуы мүмкін. Сақ қорғанының диаметрі шамамен 30 метрді құрайды.
«Қазба жұмыстарын 2021 жылдан бері жүргізіп жатырмыз. Содан бері Бозай қорымынан әртүрлі кезеңге жататын 60-қа жуық ескерткіш анықталды. Аң стиліндегі бұғының, қабыланның бейнесі табылды», - дейд археолог Бауыржан Бесетаев.
Археологтар қазба жұмыстарын ары қарай жалғастыра бермек.