Ауру жұқтырған қытай азаматы Францияға өтіп кеткен
Ухань қаласының коронавирус жұқтырған тұрғыны Францияға өтіп кетіпті. Ол әуежайдағы тексерулерді алдап өте алған. Бұл туралы Франциядағы Қытай елшілігі хабарлаған.
Алматы, NEGE. Ұлты қытай әйел ұшаққа отырғанда қызуы көтеріліп, жөтеле бастаған. Ол бірден көп мөлшерде қызу түсіретін дәріні ішіп алған. Дәрінің арқасында ол Париж әуежайындағы медициналық тексеру бекеттерінен кедергісіз өте алған. Өзінің қулығы туралы қытай азаматы WeChat-та мақтанып айтыпты. Францияға келген науқас әйел достарымен кездесіп, Париждегі мейрамханалардың бірінде ас ішіп үлгерген. Әлеуметтік желідегі хабарламадан соң Қытай елшілігіне наразы еуропалықтардан жүздеген телефон қоңырауы мен хабарламалар түсіпті. Елшілік әйелден шұғыл түрде дәрігерге қаралуды талап еткен, бірақ оның бұл талапты қаншалықты орындағаны туралы дерек жоқ.