30 января 2024 г. 11:22
Ауыр атлетикадан Азия ойындарының чемпионы қайтыс болды
Ауыр атлетикадан бірнеше дүркін Қазақстан чемпионы, Азия ойындарының жеңімпазы Вячеслав Ершов қайтыс болды.
Алматы, NEGE. Бұл туралы Қазақстан ауыр атлетика федерациясы әлеуметтік желідегі парақшасында хабарлады.
«2024 жылғы 29 қаңтарда Вячеслав Ершов өмірден өтті. Ол 2006 жылғы Азия ойындарының чемпионы, әлем чемпионаттарының қатысушысы, Қазақстан Республикасының бірнеше дүркін чемпионы болды. Ауыр атлетика федерациясының ұжымы Вячеславтың жақындары мен туыстарына көңіл айтады, қайғыға ортақпыз», – деп жазды федерация.
Вячеслав Ершов белгілі ауыртатлет Мая Манезаның күйеуі. Спортшының артында әйелі мен бір ұл, бір қызы қалды.