Әуежайда қызды құтқарған Мұса Әбдірайым «Ерлігі үшін» медалімен наградталды
Бұл туралы Ақорданың баспасөз қызметі хабарлады.
Алматы, NEGE. «Мемлекет басшысының Жарлығымен қиын-қыстау жағдайда көрсеткен ерлігі мен жанқиярлығы үшін Мұса Сайранбайұлы Әбдірайым «Ерлігі үшін» медалімен наградталды», – делінген хабарламада.
Бұған дейін президент қылмыскердің суық қаруын тартып алып, ұстауға көмектескен ер адамның батылдығын ерекше атап өтіп, аталған азаматты мемлекеттік наградаға ұсынуды тапсырған болатын.