Ауа райы болжамы: Найзағай ойнап, бұршақ жауады
Қазгидрометтің хабарлауынша, ел аумағында ауа райы құбылмалы болады. Оған қоса қар жауып, көктайғақ күтіледі.
Алматы, NEGE. "Алдағы үш күнде Қазақстанның басым бөлігінде тұрақсыз ауа райы сақталады. Біздің еліміздің аумағында Жерорта теңізі мен Солтүстік-Батыс аймақтарынан екі циклон бірігеді. Олар республиканың басым бөлігінде ауа райын анықтайды. Олардың келуімен барлық өңірлерде жауын-шашын, кей жерлерде қатты көктайғақ, бұрқасын күтіледі, еліміздің оңтүстігінде найзағай ойнап, бұршақ жаууы мүмкін, сондай-ақ ауа температурасының аздаған жоғарылауы болжанады", - дейді синоптиктер.