Атыраулық жұмысшылардың ереуілі: әкім түсініктеме берді
Атырау облысының әкімі Серік Шәпкенов Мақат ауданындағы мұнай өңдеу зауыты жұмысшыларының ереуілге шығуына қатысты пікір білдірді, деп хабарлайды Kazinform.
Атырау, NEGE. «Мұнай өңдеу зауытының жұмысшылары түске дейін шықты. Олар талаптар қойды. Ал түстен кейін жұмыстарына оралды. Аталған мұнай өндеу зауыты құрылысы енді ғана бастап, бірінші кезекте жергілікті атыраулық жұмысшыларды қабылдай бастады. Жұмысшылардың бір талабы - Мақат ауданының тұрғындарын ғана жұмысқа қабылдау. Бірақ бұл мүмкін емес, біз барлығына бірыңғай жағдай жасауымыз керек. Олар жағдайды түсінді», - деді Серік Шәпкенов Орталық коммуникациялар қызмет алаңында өткен баспасөз мәслихатында.
Сондай-ақ жұмысшылар жалақыны 100 пайызға арттыруды сұраған.
«Бір апта жұмыс істемей жатып жалақыны көтеруді талап етіп отыр. Біз алдымен оларға жұмыста маман ретіндегі құзыреттілігін көрсетуі керек екенін түсіндірдік. Бірден 100 пайызға көтеру деген болмайды», - дейді ол.