Атыраудағы газ құю стансасында жарылыс болды
Жарылыс кезінде 4 адам зардап шекті. Бұл туралы ІІМ ТЖК баспасөз қызметі хабарлады.
Алматы, NEGE. Бүгін таңертең Атабаев көшесінде орналасқан "ПромГаз" ЖШС аумағында "Форд" маркалы автоцистерна жарылған. Төтенше жағдай салдарынан сол маңда 60-70 метр жерде орналасқан ғимарат бүлінген.
Төрт адамды күйік шалды, олар ауруханаға жіберілді: жанармай құюшы, жүргізуші мен Атырау облысы ТЖД екі қызметкері - бөлім командирі мен өрт сөндіруші, - делінген ІІМ ТЖК хабарламасында.
Сағат 9.58-де өрт толықтай сөндірілген. Қаза тапқандар жоқ. Оқиға орнына Атырау облысы Төтенше жағдайлар департаментінің 25 қызметкері мен 4 техника жұмылдырылған.
Газ құю стансасында зардап шеккен адамның екеуі өрт сөндірушілер. Ал ғимарат қирап қалды.