Атырауда шетел азаматы 9-қабаттан секіріп мерт болды
Атырау қаласында шетел азаматы тұрғын үйдің 9-қабатынан секіріп кеткен. Оның мұндай әрекетке бару себебі әзірге белгісіз, деп хабарлайды Kazinform.
Алматы, NEGE. Облыстық полиция департаментінің баспасөз қызметінен мәлім еткендей, оқиға кеше, 10 қаңтарда болған.
«Атырау қаласының «Нұрсая» шағын ауданындағы тұрғын үй кешендерінің бірінде кешкі сағат 19:26 шамасында ер адамның 9-қабаттан секіріп кеткені туралы хабар түсті. Ер адам оқиға орнында көз жұмды. Оқиға орнына жеткен қалалық полиция басқармасының қызметкерлері суицид жасаған Өзбекстан Республикасының азаматы екенін анықтады. Марқұм 1964 жылы туған», -деп хабарлады департаменттің баспасөз қызметі.т
Қазір дерекке байланысты ҚР Қылмыстық кодексінің 105-бабының 1-бөлігімен қылмыстық іс тіркелді. Осыған байланысты тиісті іс құжаттары жинақталып жатыр.
Полиция қызметкерлері шетелдік тұрғын үйдің жоғарғы қабатынан секіруіне не себеп болғанын нақтылаған жоқ.