Атырауда 46 жастағы әйелді өлтірген күдікті қамалды
Атырауда 46 жастағы әйелді өлтірген 38 жастағы ер адам ұсталды.
Алматы, NEGE. Атырау облыстық полиция департаментінің баспасөз қызметі мәлім еткен ақпаратқа қарағанда, күдікті әйелді үйінде өлтірген.
– Криминалдық полиция басқармасы қызметкерлері жедел-іздестіру шарасын жүргізіп, 1979 жылғы әйелді тұрғын үйінде өлтірген 1987 жылғы күдіктіні ұстады. Күдікті қамауға алынды. Одан заттай айғақтар табылып, тәркіленді. Қазір ҚР Қылмыстық кодекстің 99-бабының 2 бөлігімен (Адам өлтіру) қылмыстық іс тіркелді. Кешенді тергеу амалдары жүргізіліп жатыр, – деп хабарлады баспасөз қызметі.
Қылмыстық істі тергеу департамент бастығының бақылауына алынған.