Атамбаевтың ұлы: әкемнің жағдайы нашар
Қырғызстанның экс-президенті Алмазбек Атамбаевтың денсаулығы нашарлап кеткен. Бұл туралы оның ұлы Сейіт Атамбаев хабарлады.
Алматы, NEGE. Facebook әлеуметтік желісіндегі парақшасында Сейіт Атамбаев былай деп жазды: «Әкемнің қан қысымы қауіпті дейгейге дейін төмендеп кеткен. Дәрігерлер оның кез-келген уақытта инсультке, не инфарктке ұшырап қалуы мүмкін екенін айтып отыр».
Соңғы тексеру кезінде Алмазбек Атамбаевтың қан қысымы 76-да70 дейгейін көрсетсе керек.
Қырғызстанның қауіпсіздік қызметі тамыздың 7-8 күндері Қой-Таш ауылындағы резиденциясында экс-президент А.Атамбаевты ұстау шарасын жүргізген. Атамбаевтың жақтастары мен арнайы жасақ арасында қақтығыс туып, бір сарбаз қайтыс болған. Сондай-ақ, 136 адам зардап шеккен еді. Содан бері Атамбаев Ұлттық қауіпсіздік комитетінің тергеу изоляторында отыр.