Астанадағы колледждің әйелдер әжетханасына камера қойылған
Астанадағы қоғамдық тамақтану және қызмет көрсету колледжіндегі әйелдер әжетханасында бейнекамералар орнатылған.
Астана, NEGE. astanovka98 Telegram арнасының хабарлауынша, колледж студенті дәретханаға камера қойылғанын айтып, шағымданған.
Оқу-ағарту министрлігі мұның заңсыз екенін мәлімдеді.
Бейнебақылау жүйесін орнату балалардың конституциялық құқықтары мен жеке өміріне қол сұғылмаушылық құқығын бұзады, – деп хабарлады министрлік.
Ереже бойынша бейнекамералар тек балалар көп жиналатын жерлерде (дəліздерде, спорт залдарында, аудиторияларда, кіреберіс алаңдарында және баспалдақтарда) қойылуы керек.
Ал колледж басшылығы камералар жасөспірімдердің темекі шегуіне жол бермеу үшін орнатылғанын, сондай-ақ камералар дәретханадағы қолжуғыштар мен айналарды ғана түсіретінін айтқан.
Қазіргі уақытта мекеме дәретханасындағы камералар алынып тасталды.