Астанада көгалдандыру маусымы басталады
Президент Қасым-Жомарт Тоқаев өз сөзінде Астана тұруға ыңғайлы қалаға айналуы керегін атап өткен болатын.
Астана, NEGE. Тұрғындардың жайлы серуендеуі мен демалуы үшін тиісті жағдайлар жасалуы керек екендігін де ескертіп өткен.
Қазір Астанада көгалдандыру маусымы басталады. Бұл жұмыс сәуір айының басында бастау алған экологиялық айлық аясында жүзеге асырылады. Осы уақыт ішінде қаланың барлық ауданында 3,5 мыңнан астам ағаш пен бұта отырғызылды. Бұл ретте жапырақты ағаш түрлеріне басымдық беріледі, деп хабарлады қалалық әкімдіктің ресми сайты.
Елорданың саябақтарында, гүлзарларында және басқа да ашық алаңдарында жаз мезгіліне дайындық қызу жүріп жатыр. Ағаштар мен бұталарды санитарлық кесу, әктеу жұмысы жүргізілуде. Сондай-ақ, коммуналдық қызметтер қаланың субұрқақ кешендерін консервациялау жұмысын жүргізеді.
8 сәуірден 6 мамырға дейін елордада «Жасыл Астана» эко-айлығы өткізіледі, оның аясында бірнеше сенбілік жоспарланып отыр. Мәселен еңбек ұжымдарының, қала тұрғындарының, ШОБ өкілдерінің көмегімен полигонға 800 тоннадан астам қалдық шығарылды.
Жалпы ауданы 4 млн шаршы метр болатын саябақтар мен скверлерді жинау жүргізілді. Экологиялық айлыққа 15 мыңға жуық адам, 400-ден астам кәсіпорындар мен ұйымдар, ПИК және МИБ ұжымдары, шағын және орта бизнес субъектілері және т.б. қатысты.
Осы сенбіде, 29 сәуірде Астанада жалпықалалық сенбілік өтеді, оның барысында ұйымдар мен кәсіпорындардың ұжымдары өз аумағында ағаш отырғызады, қоқыс жинайды, сондай-ақ су айдындарының маңын тазартады. 3 мыңнан астам ағаш пен бұта отырғызу жоспарланып отыр.
2023 жылы бас-аяғы миллион жасыл желек (бұталар, ағаштар, көшеттер және т.б.) отырғызу жоспарланыпотыр. Оның барысында жапырақты ағаш түрлеріне артықшылық беріледі.
