Астанада жол апаты салдарынан шағын автобус жүргізушісі қаза тапты
Елордалық полицейлердің хабарлауынша, жол-көлік оқиғасы 4 желтоқсан күні болған.
Астана, NEGE. Алдын ала деректерге сәйкес, шағын автобус жүргізушісі рөлге ие бола алмай, аялдамада тоқтап тұрған жолаушылар автобусына соғылған.
«Жол-көлік оқиғасы салдарынан шағын автобустың жүргізушісі оқиға орнында көз жұмды. Зардап шеккен екі адам ауруханаға жеткізілді, оларға медициналық көмек көрсетілуде», — делінген Астана қаласы полиция департаменті таратқан хабарламада.
Қазір оқиғаның мән-жайы анықталып, тергеу амалдары жүргізілуде.