Астанада жанып жатқан пәтерде жалғыз қалған 6 жасар баланы көршілері аман алып қалды
Елордада пәтерлердің біріндегі өрт көзінде үйде жалғыз қалып қойған 6 жасар баланы көршілері құтқарып қалды.
Алматы, NEGE. Оқыс оқиға 2024 жылдың 25 қазанында Байқоңыр ауданында Кравцов көшесінің бойындағы көпқабатты пәтерлердің бірінде болды.
«112 пультіне Байқоңыр ауданында Кравцов көшесінің бойындағы бес қабатты тұрғын үйдің 3-қабатында пәтер жанып жатқаны, пәтердің ішінде бала бар екені туралы хабарлама келіп түсті», – делінген ТЖМ хабарламасында.
Өрт орнына келген құтқарушылар ТЖМ қызметкерлері келгенге дейін көршілері пәтердің кіреберіс есігін ашып, 2018 жылы туған баланы құтқарып алғанын анықтады.
Өрт сөндірушілер жедел түрде өртті сөндірді.
Бала зардап шеккен жоқ. Өрттің себебі анықталуда.