Астанада телефонға елеңдеп, адам қағып кеткен автобус жүргізушісі 2 жылға сотталды
Елордада адам өліміне әкеп соққан жол-көлік оқиғасын жасаған автобус жүргізушісіне үкім оқылды.
Астана, NEGE. Прокуратураның хабарлауынша, автобус жүргізушісі қоғамдық көлік рөлінде ұялы телефон арқылы сөйлесіп келе жатып, реттелмейтін жаяу жүргіншілер өткелінде 57 жастағы әйелді қағып кеткен. Жәбірленуші алған ауыр дене жарақаттарының салдарынан ауруханада қайтыс болды.
Сотта сотталушының кінәсі толық дәлелденді.
Сот үкімімен жүргізушіге 2 жыл 1 ай мерзімге бас бостандығынан айыру жазасы тағайындалып, 5 жыл мерзімге көлік құралын басқару құқығынан айырылды.
Сот үкімі заңды күшіне енді.
Прокурорлар жүргізушілерге көлік құралын басқару кезінде ұялы телефон пайдалануға қатаң тыйым салынғанын ескертеді.