Астанада танымал волонтер жас жігітке жыныстық сипаттағы зорлық көрсетті деген күдікке ілінді
Астанада «Зорлау» бабы бойынша қылмыстық іс тіркелді.
Астана, NEGE. Telegram-дағы Kozachkov offside арнасының жазуынша, істе 2008 жылы туылған ер адам жәбірленуші ретінде танылған.
«Күдікті ретінде екі ер адам ұсталды. Солардың бірі – "Асар Астана" іздестіру-құтқару жасағына жетекшілік ететін елордада танымал волонтер Дамир Сәлімов», – делінген жазбада.
Дамир Сәлімов өткен жылы «Жыл волонтері» сыйлығының «Корпоративтік волонтерлік көшбасшы» аталымында жеңімпаз атанғаны айтылады.
Астана қалалық полиция департаментінің баспасөз қызметі Nege.kz-ке Сәлімовтің ұсталғаны жөніндегі ақпаратты растады.
«Жыныстық қатынасқа мәжбүрлеу фактісі бойынша қылмыстық іс қозғалды. Күдікті ұсталып, уақытша ұстау изоляторына қамалды», – делінген хабарламада.
Қазіргі уақытта қажетті тергеу амалдары жүргізіліп жатыр.