Астанада мүгедектігі бар балаларды оңалтудың халықаралық тәсілдері талқыланып жатыр
Астанада халықаралық қатысумен өтетін «Реабилитология мен курортологияның басым бағыттары» атты XII Республикалық ғылыми-тәжірибелік конференция өз жұмысын бастады. Іс-шараға Қазақстан, Қырғызстан, Тәжікстан, Қытай, Ресей, Германия, Италия және Ұлыбританияны қоса алғанда, 8 елден 300-ден астам жетекші маман қатысуда. Екі күн бойы сарапшылар неврологиялық және сирек кездесетін (орфандық) ауруларды, оның ішінде эпилепсия мен церебралды салдануды диагностикалау, емдеу және оңалту мәселелерін талқылайды.