Астанада автобөлшектер сату туралы өтірік жарнама беріп, 32 адамды алдап соққан әйел сотталды
Кінәлі азаматша «Коlesа.kz» қосымшасында автокөлік бөлшектерін сату туралы жалған хабарландырулар жариялаған.
Алматы, NEGE.Ол жәбірленушілерге автокөліктердің қосалқы бөлшектерін әртүрлі қалаларға жіберуге уәде беріп, қылмыстық ниеттерін жасыру мақсатында оларға банктік деректемелер мен жалған сатып-алу шарттарын жіберіп, ақша қаражатын алғаннан кейін, телефон қоңырауларына жауап беруді тоқтатқан.
Осылайша, сотталған 32 азаматты алдап, олардың 4,8 млн теңгеден астам қаражатын иемденген.
Мемлекеттік айыптаушы оның кінәсін толық дәлелдеді.
Сот үкімімен оған 3 жылға бас бостандығынан айыру жазасы тағайындалды.
Сотталғаннан жәбірленушілердің пайдасына келтірілген материалдық залал өндірілді.
Үкім заңды күшіне енді.