Астанада 2,3 мыңнан астам жұмысшы қар тазалауға шықты
Өткен түнде қаланың коммуналдық қызметі елордадан 34,9 мың текше метр қар шығарды. Олар жұмысты тәулік бойы бірнеше ауысымда жүргізеді, деп хабарлайды Астана әкімдігінің ресми сайты.
Алматы, NEGE. 24 ақпан күні таңертең елордада қар тазалау жұмысына 1,3 мыңнан астам арнайы техника мен 2,3 мыңнан астам жол жұмысшысы жұмылдырылды.
23 ақпаннан 24-іне қараған түні қаладан 34,9 мың текше метр, яғни 2647 рейс қар шығарылды.
Қыс басынан бері қар полигондарына барлығы 378,4 мың рейс, яғни 5,14 млн текше метр қар шығарылды.
Сондай-ақ қозғалыс кезінде азаматтардың қауіпсіздігін қамтамасыз ету үшін жолдар мен тротуарларға құм-тұз қоспасы себіледі.