Әскерге шақыру туралы SMS ресми хабарлама ретінде танылады
ҚР Үкіметінің «Әскери қызметке шақыруды ұйымдастыру мен жүргізу қағидаларын бекіту туралы» 2012 жылғы қаулысына өзгерістер енгізу жөніндегі жоба Ашық НҚА порталында жарияланды.
Алматы, NEGE. Жобаның мақсаты – азаматтарды әскери қызметке шақыру үдерісін біріздендіру.
Құжатта әскерге шақыру тәртібін нақтылау, кейінге қалдыруды мемлекеттік қызмет көрсету арқылы рәсімдеу және әскерге шақырылушылардың телефон нөмірлеріне жолданған SMS-хабарламаны ресми ескерту ретінде тану ұсынылған.
Жоба 9 қыркүйекке дейін қоғамдық талқылауға шығарылды.