Әскерде басынан ауыр жарақат алған Ербаян Мұхтарды ата-анасы Түркияға алып кетті
Әскерде басынан жарақат алып, комаға түскен сарбаз Ербаян Мұхтар Түркияда емделеді.
Алматы, NEGE. Құқық қорғаушы Инга Иманбай Ербаян Мұхтардың Стамбулға ұшып кеткенін хабарлады. Ұшақ бүгін таңертең Астанадан ұшты.
«Ербаян Стамбулға жолға шықты. Ұшақ бүгін таңғы сегізде Астанадан ұшты. Бұл күнге жету де оңайға соққан жоқ. Тоқтаусыз күрес, талмай еңбекпен келді. Бастысы, кеңпейіл халқымыздың мейірімі мен жанашырлығының жемісі. Ербаян, мықты бол! Бұл жартылай жеңіс! Бұйырса үлкен жеңістер алда. Сенің бар өмірің алда. Аман-есен елге өз аяғыңмен оралуыңды күтеміз», деп жазды Инга Иманбай.
Естеріңізге сала кетейік, Ербаян Мұхтар осыдан алты ай бұрын әскерде бас-ми жарақатын алып, комаға түскен болатын. Төрт айдай ес-түссіз жатып, мамыр айында комадан шықты. Енді Ербаян Мұхтар емін Түркияда жалғастырады.
