Асқар Ізбасов Әскери-әуе күштерінің қолбасшысы лауазымына тағайындалды
Бұл туралы Ақорданың баспасөз қызметі хабарлады.
Астана, NEGE. «Мемлекет басшысының өкімімен Асқар Ғадылшаұлы Ізбасов Қазақстан Республикасы Қарулы Күштері Әуе қорғанысы күштері Әскери-әуе күштерінің қолбасшысы лауазымына тағайындалды», – делінген хабарламада.
Сонымен қатар осы қызметті атқарған Руслан Зарлықұлы Қоңыров Мемлекет басшысының өкімімен Қазақстан Республикасы Қарулы Күштері Әуе қорғанысы күштері Әскери-әуе күштерінің қолбасшысы лауазымынан босатылды.