Аша Матай екінші сәбиін дүниеге әкелді
Арман Қоңырбаев пен Аша Матай екінші рет ата-ана атанды. Кесте тігерді дүниеге әкелген Аша көпшіліктен сүйінші сұрады.
«Сүйінші!!! Алланың қалауымен қазақ еліне тағы бір қазақ аруы. Бүгін біздің отбасымыз үшін ерекше күн. Арман екеуіміз тағы да ата-ана атандық. Құдайға шүкір. Барлық жас жұбайларға жұғысты болсын. Құттықтауларыңызға алдын ала алғысымды білдіремін», - деп жазды ол желідегі парақшасында.
Өнер өкілдері мен желі қолданушылары Аша мен Арманды жаппай құттықтап жатыр. Ендеше, біз де "кесте тігердің" бауы берік болсын дейміз!