Арменияда COVID-19 жұқтырған премьер-министр қандай мәлімдеме жасады?
Арменияның премьер-министрі Никол Пашинян елдегі коронавирус бойынша жағдайдың өте қиын екенін айтты. Оның айтуынша, Армения "тозаққа бара жатқандай", - деп жазады Sputnik-Армения.
"Бүгін біз елде толықтай карантин енгізу туралы шешім қабылдауға жақын қалдық. Елде пандемияға қарсы қозғалыс басталуы керек және оған барлығымыз атсалысуымыз қажет", - деді Никол Пашинян.
Таяуда өзі де коронавирус жұқтырған Пашинян халықты "коронавирус жоқ", "маска тағудың қажеті жоқ", "үкіметтегілер науқастардың саны әдейі көбейтіп жатыр" деген қауесеттерге сенбеуге шақырды.
Премьер-министр барлық күшті вируспен күресуге жұмсау керегін айтты.
Басылымның мәліметінше, соңғы тәулікте Арменияа коронавирус жұқтырған тағы 547адам тіркелген, осылайша елде науқастардың саны 12 364-ке жетті.