Apple компаниясы iPhone 17 смартфонын таныстырды
Apple компаниясы жаңа үлгідегі iPhone және оның Pro және Max жетілдірілген түрлері, сондай-ақ жаңа смарт сағаттар және басқа да құрылғыларын таныстырды.
Алматы, NEGE. Apple ұсынған жаңа құрылғының ең жұқа нұсқасы – iPhone 17 Air, оның қалыңдығы небәрі 5,6 мм.
IPhone 17-нің бағасы 799 доллардан, iPhone Air – 999 доллардан, iPhone 17 Pro – 1099 доллардан және 17 Pro Max – 1199 доллардан басталады.
Серия жаңа салқындату жүйесімен, eSIM технологиясымен және батареяны тиімді пайдалануға арналған функциямен жабдықталған.
Смартфондар 19 қыркүйектен бастап сатылымға шығады.