Әншілер тойдан тапқан табысына салық төлеуге міндеттеледі
Бұл туралы Қаржы министрі Мәди Тәкиев мәлімдеді.
Алматы, NEGE. «Қосымша табыс болса, салық төлеу қажет. Мысалы, әртістер тойларда өнер көрсетеді, түрлі іс-шараларға қатысады. Сол табысты жыл соңына дейін декларацияда көрсетуі тиіс. Жылдық табыс 31 наурызға дейін тапсырылады, ал салық сәуірдің 10-на дейін төленуі керек. Мөлшері – 10 пайыз», – деді М.Тәкиев.
Бұл талап әлеуметтік желілерден немесе жарнамадан түскен кірістерге де қатысты болмақ. Сонымен қатар ақшаны қолма-қол алатын әншілерді де министрлік бақылайтын болады.