Америкалықтар асырап алған қыз актриса атанды
2004 жылы америкалық ерлі-зайыптылар Либерти және Лаура Смидтер Қарағанды қаласынан жасқа да толмаған қазақ қызын асырап алып, тегін Стелла Смит деп өзгерткен екен. Сол 16 жастағы Стелла қазір АҚШ-та сериалға түсіп жүр. Бұл ақпаратты Baigenews.kz таратты.
Алматы, NEGE. Стелла «Қара найзағай» деп аталатын сериалдың 3-маусымында Грейс атты жасөспірімнің рөлін ойнайды. Сценарий бойынша Грейс уақыт өте келе ерекше тылсым күштің иесі атанады.
Бұл қаршадай қыздың алғашқы рөлі емес. Бұған дейін ол «Қыз және оның құбыжығы» деген фильмге және бірнеше жарнамалық роликтерге түскен.