«Амантай қажы әйел адамды баспалдақтан итеріп жіберген» – Полиция тергеуді бастады (видео)
Әлеуметтік желіде Амантай қажының әйел адамды баспалдақтан итеріп жібергені түсірілген видео тарады.
Алматы, NEGE. Оқиға салдарынан әйел адамның жамбас сүйегі сынғаны айтылады. Оқиғаның нақты қай жерде болғаны әзірге белгісіз. Оны полиция анықтап жатыр.
Қалалық полиция департаменті аталған дерек бойынша Алмалы аудандық полиция басқармасы қылмыстық іс қозғағанын хабарлады.
«Қазіргі уақытта оқиғаның мән-жайын анықтауға бағытталған жедел-іздестіру және процессуалдық іс-шаралар кешені жүргізіліп жатыр. Қажетті сот-медициналық сараптамалар тағайындалды. Тергеу барысы Алматы полициясы басшылығының бақылауында», – делінген хабарламада.